“Mos më prek me dorë”- Përplasje fizike në Kuvend! Gardistët nuk lejojnë Berishën t’i afrohet foltores, deputetët bllokohen në hyrje të sallës

Seanca e sotme plenare (20 nëntor) ka nisur me tensione dhe përplasje mes deputetëve të opozitës dhe forcave të Gardës së Republikës, të cilët kanë ndaluar deputetët të futen në ambientet e Kuvendit.

Ish-kryeministri Berisha teksa ka tentuar që të shkojë te foltorja, është ndaluar nga Garda. Më pas ka ndërhyrë deputeti Gazment Bardhi, i cili i ka kërkuar gardistëve të mos e shtyjnë.

“Mos e shty me dorë atë, ca ke që e ndalon, hapu pak”, thotë Bardhi.

Ndërkohë, në një prej hyrjeve të sallës së Kuvendit ka pasur dhe një konfrontim fizik mes deputetëve të tjerë të opozitës të cilët janë ndaluar të futen brenda dhe gardistëve, teksa këta të fundit ishin pozicionuar për ti bllokuar hyrjen.