Grabitja brutale në Greqi/ Iu futën në banesë dhe goditën të moshuarin dhjetra herë me thikë, si i tradhëtoi një kanaçe dy të rinjtë shqiptarë

Mbetjet e ushqimeve dhe pijeve tradhtuan dy të rinjtë me origjinë shqiptare të arrestuar për grabitjen brutal me viktimën 73-vjeçare në Kefaloni.

Sipas informacioneve, policia ka arritur të lokalizojë 25-vjeçarin, i cili goditi me thikë të plagosurin dhe bashkëpunëtorin e tij 18-vjeçar, nga mbetjet dhe kanaçeja e një pije energjike, shkruajnë mediat greke.

Dy autorët kishin ngritur një kartel jashtë shtëpisë së 73-vjeçarit, duke lënë mbetje të ushqimeve dhe një kanaçe, të cilat i kishin blerë nga një supermarket aty pranë, ndërsa punonjësi që i shiste i kishte parë.

Ndërkohë, 73-vjeçari, viktima e një grabitjeje brutale me thikë në shtëpinë e tij në Kefaloni, mbrëmjen e së mërkurës, po luftonte për të qëndruar gjallë në Spitalin Universitar të Janinës. Sulmuesi 25-vjeçar e ka goditur me thikë në bark, kofshë dhe brinjë fatkeqin, pasi fillimisht i ka kërkuar para.

Autorët u arrestuan , por familjarët e 73-vjeçarit po përjetojnë momente dramatike ankthi për shkak të kritikës së situatës së tij.

“48 orët e ardhshme janë shumë kritike”, tha nipi i 73-vjeçarit për Mega.