Zbardhen detaje të reja nga operacioni me 11 urdhër arreste që çoi në pranga ish-zv/ drejtorin e policisë Tiranë, Erzen Breçani dhe shefin e Krimeve të komisariatit nr. 6, Dedan Gjoni. Gazetarja Anila Hoxha thekson se grupi kishte bërë plane për të vrarë kundërshtarët në Durrës, Belgjikë dhe Holandë.
Advertisements
Gjithashtu, po sipas saj, veç prishjes së pazareve për ngarkesat e drogës, shkak i planeve për krime ishte dhe ajo e përplasjes dhe hasmërive midis Ervis Martinit (i shumëkërkuar dhe me dy masa sigurimi në mungesë arrest me burg) dhe Ervin Matës (i kërkuar).
“Ervin Mata, i cili dyshohet se gjendet jashtë vendit sipas gazetares Hoxha, dyshohet për grup të strukturuar kriminal, trafik narkotikësh dhe kryerje e veprimeve nga organizata kriminale. Po ashtu masë sigurie është vendosur edhe për Ismail Zenelin që veç akuzave që ka Mata, ka gjithashtu edhe veprën e sigurimit të kushteve për të kryer vrasje.
Advertisements
Bujar Ajeti, nga Kukësi ka të njëjtat akuza si Zeneli. Ndërkohë që Dedian Gjoni, shef i krimeve në Kombinat, i cili është nga Lezha dyshohet të ketë siguruar kushtet për të kryer një vrasje në bashkëpunim me grupin kriminal.
Djali i Erzen Breçanit, dyshohet dhe për trafik ndërkombëtar droge dhe pastrim parash. Ish zyrtari dhe i ati i Eraldit, Erzen Brecani ka veprën e pastrimit të parave dhe përkrahje e autorit të krimit.
Në listë gjenden edhe Bujar Grabova, Besmir Murati, Artan Sulejmani, Albert Prenga dhe Bajram Grabova, të dyshuar për trafik kokaine. Grupi trafikonte kokainë nga Ekuadori dhe Kolumbia drejt vendeve të Bashkimit Europian” thotë gazetarja.