Një 22-vjeçare greke, praktikante në një departament të policisë lokale në Greqi mësohet se kishte lidhje me mafian shqiptare, përgjegjëse për grabitje, pazare droge, madje dhe rrëmbime, e cila i shpëtoi operacionit të një dite më parë.
Advertisements
E reja kishte lidhje me kryetarin e bandës, të cilin e njihte, përpara se të përfshihej me policinë dhe mendohet se u ka dhënë informacion për lëvizjet e kolegëve të saj dhe numrin e forcave të policisë.
Ajo kishte lajmëruar organizatën kriminale shqiptare, pak ditë më parë, për një operacion të ngjashëm të policisë.
Advertisements
Kreu i bandës së shqiptareve sipas mediave greke quhet Esmin Ferhati, i cili njihet ndryshe me emrin “Esko”.
Ai së bashku me anëtarët e bandës së tij jetonin në tri katet e një konvikti të vjetër në Universitetin e Politeknikut, të cilin e kishin kthyer në seli.
“Esko ”, i cili u arrestua mëngjesin e djeshëm pasi sulmoi me kaçavidë dhe plagosi një punonjëse policie 35-vjeçe, akuzohet për rrëmbimin e një fëmije të mitur, djalin e një gazetari, në maj të vitit 2019. Madje e mbajti fëmijën të fshehur në rezidencat studentore derisa hynë në shtëpinë në Pagrati dhe i morën paratë të atit.