Hapësira ajrore e Malit të Zi është mbyllur të premten për të gjithë avionët rusë, me vendim të Agjencisë së Aviacionit Civil të këtij vendi.
Advertisements
Ky veprim pason masat e ngjashme që kanë ndërmarrë vendet e Bashkimit Evropian, Shtetet e Bashkuara dhe Kanadaja, pas pushtimit të Ukrainës nga Rusia.
Për kontrollin e trafikut ajror të Serbisë dhe të Malit të Zi, përgjegjëse është një agjenci e përbashkët e këtyre dy vendeve.
Advertisements
Megjithatë, Serbia nuk do të mbyllë hapësirën e saj ajrore për avionët rusë, sepse siç ka thënë, nuk do t’iu bashkohet sanksioneve të Perëndimit ndaj Rusisë.
Nga Agjencia për Kontrollin e Trafikut Ajror të Serbisë dhe Malit të Zi, kanë thënë më herët për Radion Evropa e Lirë se, kompetenca për hapësirën ajrore të secilit shtet, është e rregulluar me ligjet e atij shteti dhe i takon Qeverisë së tij.