Politikani opozitar serb, Nikola Sanduloviç është dhunuar në Serbi, një ditë pasi bëri homazhe në varrezat e familjes Jashari në Prekaz.
Advertisements
Kryetari i partisë Republikane të Serbisë, Sanduloviç raportohet se është rrahur brutalisht nga BIA serbe ndërsa ka marrë pjesë edhe Milan Radoiçiç, ish-nënkryetari Listës Serbe dhe organizuesi i sulmit terrorist në Banjskë.
Tashmë janë publikuar edhe videot e para të politikanit teksa lë një spital në kryeqytetin serb, Beogradin.
Advertisements
Ai shihet në gjendje të rëndë shëndetësore ndërsa e bija e tij, Klara ka deklaruar se politikani është helmuar dhe ka ngritur dyshime se një gjë e tillë është bërë me agjentin nervor novichok, të cilën shpesh e përdor presidenti rus, Vladimir Putin për të eliminuar ish-bashkëpunëtoret apo kundërshtarit e tij.
Pas rrahjes së Sanduloviçit, ka reaguar edhe deputetja britanike, Alicia Kearns. Ajo është shprehur e shqetësuar për sigurinë dhe shëndetin e politikanit serb.
Kujtojmë se kjo nuk është hera e parë që politikani serb është në prag të jetës dhe vdekjes. Ai ishte helmuar edhe një herë, dy vjet më parë – me sa duket është mjeti i preferuar i likuidimit në Lindje, Novichok ndërsa i mbijetoi dy atentateve me eksploziv.
Ndryshe, Sanduloviç e ka quajtur presidentin serb, Aleksandër Vuçiçi, kriminel lufte dhe e ka porositur që para se të shkojë në Kosovë, duhet të kërkojë falje dhe ta pranojë krimin e kryer në Reçak. /Telegrafi/
Nikola Sandulovic pušten iz pritvora na nosilima odveden kuci. pic.twitter.com/Ff92Uzgxe6
— Meraklija (@sticenik) January 4, 2024
