Një aksident i rëndë ka ndodhur pasditen e sotme në Korçë ku një 27-vjeçar teksa ishte duke udhëtuar me automjet, ka përplasur një shtetas.
Advertisements
Sipas njoftimit të policisë mësohet se aksidenti ka ndodhur në aksion rrugor Korçë-Pogradec, afër fshatit Zvirinë, ku 27 vjeçari ka përplasur shtetasin A.Z, 67 vjeç, i cili ishte duke udhëtuar me biçikletë.
Menjëherë ai është nisur drejt spitalit, ndërsa policia po vazhdon procedurat me 27-vjeçarin O.A. që drejtonte automjetin.
Advertisements
Njoftimi i policisë:
Më datë 16.10.2022, rreth orës 16:20, në aksin rrugor Korçë-Pogradec, pranë fshatit Zvirinë, automjeti tip “Benz”, që drejtohej nga shtetasi O. A., 27 vjeç, banues në Korçë, ka aksidentuar biçiklistin A. Z., rreth 67 vjeç, banues në fshatin Pirg, Maliq, i cili u dërgua në spitalin e Korçës dhe ndodhet nën kujdesin e mjekëve.
Me drejtuesin e mjetit po kryhen veprimet e mëtejshme procedurale.
Grupi hetimor po punon për sqarimin e rrethanave të aksidentit.