Pas urdhrit të fundit të Putinit, presidenti Zelensky u bën thirrje urgjente rusëve

Presidenti ukrainas Volodymyr Zelensky u ka bërë thirrje rusëve t’i rezistojnë mobilizimit të shpallur nga udhëheqësi rus Vladimir Putin, i cili shkaktoi protesta të vogla dhe një eksod të ri jashtë vendit.

Advertisements

“55,000 ushtarë rusë vdiqën në këto gjashtë muaj lufte… A doni më shumë? Jo? Prandaj protestoni. Luftoni përsëri, ikni ose dorëzohuni ndaj ushtrisë ukrainase”, tha Zelensky në fjalimin e tij të përditshëm.

Më shumë se 1,300 njerëz u arrestuan në demonstratat në të gjithë Rusinë të mërkurën pas njoftimit të mobilizimit, raporton Al Jazeera.

Advertisements

Pas njoftimit pati edhe raportime për një eksod masiv. Fluturimet nga Rusia drejt vendeve fqinje që u lejojnë rusëve hyrjen pa viza u rezervuan pothuajse tërësisht, ndërsa çmimet u rritën në qiell.

Të enjten Kremlini hodhi poshtë si të rreme raportet se rusët e kualifikuar për mobilizim po nxitonin për t’u larguar nga vendi.

Artikulli paraprakMësojeni tani, ja cili është muaji ku njerëzit kanë gjasa të tradhtojnë më shumë
Artikulli tjetërRama shuan kureshtjen e të gjithëve! A do të kandidojë Erion Veliaj për Bashkinë e Tiranës?