“Shënjestrat” udhëtonin me makinë të blinduar, u sulmuan me breshëri plumbash në oborrin e pallatit, detaje nga atentati në Milot: Autorët i ndoqën “këmba këmbës”(Video)

Fax News ka siguruar pamjet e oborrit të shtëpisë ku ndodhi atentati i mbrëmjes së sotme në Milot ku mbeti viktimë 27 vjeçari Klisman Preçi dhe u plagos rëndë Ylli Brahimi, 45 vjeç.

Preçi dhe Brahimi lëviznin me një makinë të blinduar dhe dyshohet se autorët kanë ndjekur çdo hap të tyre pasi i kanë sulmuar sapo kanë zbritur në oborrin e hyrjes së një pallati.

Në vendin e ngjarjes shihen forca të shumta policie të cilat kanë rrethuar zonën. Ndërsa forca të shumta policie janë vendosur edhe në spitalin e Traumës ku ndodhet i plagosur Ylli Brahimi i cili ka marrë një plagë në kraharor dhe një në këmbë.

I njëjti skenar si në atentatin e Fushë-Krujës ka ndodhur edhe mbrëmjen e sotme ku menjëherë pas sulmit me armë në afërsi të Borizanës, është gjetur një “audi’ i djegur që dyshohet të jetë përdorur nga autorët për të kryer sulmin me armë zjarri.