Trupi i dekompozuar në Ersekë, zbardhen detajet tronditëse, ja kush dyshohet të jetë viktima

Një trup i dekompozuar është gjetur ditën e djeshme në Ersekë, ndërsa detaje të reja janë zbardhur lidhur me ngjarjen e rëndë.

Sipas informacioneve, bëhet me dije se, pranë viktimës janë gjetur një aparat celular Nokia, një palë çelësa shtëpie, gjithashtu edhe xhupi që kishte veshur viktima.

Mësohet se policia nga çelësat që ka gjetur pranë trupit të viktimës kanë hapur dyert e shtëpisë së një prej të zhdukurve në zonë. Çelësat i përkasin personit të zhdukur prej 1 Nëntorit të 2021, Sherif Mukaj, i datëlindjes 30.04.1993.

Paraprakisht policia ka thirrur familjarët e 29-vjeçarit, ndërkohë qe edhe vetë familjarët e konfirmojnë këtë komunikim me policinë, por janë me shpresë deri në daljen e ekspertizës.

Aktualisht në polici janë shoqëruar 5 persona si të dyshuar për ngjarjen.