Partia Demokratike mbledh sot kuvendin kombëtar të thirrur nga Komisioni i Rithemelimit. Kjo mbledhje ishte parashikuar më herët më 22 mars, por u shty për në maj pas ngjarjeve që pasuan si pasojë e zgjedhjeve lokale të 6 marsit.

Advertisements

Qëllimi i parë i shtyrjes së mbledhjes së kuvendit ishte bashkimi me akte politike në të gjitha nivelet, por kjo gjë nuk ndodhi të paktën te grupi parlamentar. Por ndërkohë, qarkullojnë ide të ndryshme se bashkimi mund të imponohet nga demokratët në degë, të cilët sipas disave janë bashkuar më parë se deputetët. Këtij mendimi duket se i qëndrojnë më shumë anëtarët e Komisionit të Rithemelimit, të cilët organizojnë sot edhe kuvendin kombëtar të PD-së.

Kuvendi do të nis në orën 10:00 ku delegatët do të pajisen me mandatin dhe do të skanohen elektronikisht njësoj si në kuvendin e 11 dhjetorit. Por këtë herë, nuk do të jetë numër aq i lartë delegatësh, pasi statuti i 11 dhjetorit parashikon që kuvendi i PD-së përbëhet nga 1100 delegatë që janë zgjedhur gjatë kësaj kohe me formulën një anëtar një votë nga kryesitë e degëve. Ndërkohë, në Sallën e Kongreseve kuvendi do të nis me fjalën e dy të rinjve që janë lënë surprizë, ndërkohë më pas pritet që të mbajnë fjalën e tyre edhe Jozefina Topalli, e cila shënon rikthimin në PD, pasi u largua që kur në krye të selisë blu erdhi Lulzim Basha. Edhe Rudina Hajdari po ashtu do të jetë në kuvendin e PD-së.

Ajo është një tjetër rikthim pasi u përjahstua në 2019 pasi nuk iu bin vendimit të grupit për të djegur mandatet e deputetëve. Hajdari po ashtu është planifikuar që të flasë. Në kuvend do të ketë edhe të tjera “xhaketa të vjetra” që do të rikthehen. Arben Imami është një prej tyre, Myslym Murrizi po ashtu, ndërsa Genc Ruli mësohet se nuk ka pasur një ftesë. Sakaq, ish-Kryeministri Sali Berisha mësohet se do të flasë në orën 13:00.

Fjala e tij pritet të jetë e gjatë dhe fill pasi të mbarojë do të procedohet me votimin e ndryshimeve statutore. Këtë herë ndryshimet në statut do të jenë minore ku një prej tyre do të jetë që deputetët dhe kryetarët e degëve të jenë automatikisht anëtarë të këshillit. Po ashtu, nesër Komisioni i Rithemelimit do i propozojë kuvendit që më datë 22 maj të zhvillohen zgjedhjet për kryetarin e ri të Partisë Demokratike.

Advertisements

MESAZHI

E ndërsa xhaketat e vjetra janë konfirmuar se do të marrin pjesë, deputetët që nuk iu bashkuan që në fillim lëvizjes së Berishës duket se nuk janë të bindur. Shumica prej tyre pritet që të mos i bashkohen kuvendit. Megjithatë, edhe dje Komisioni i Rithemelimit përmes një numri dhe pa iu prezantuar i ka dërguar një ftesë deputetëve që të bëhen pjesë. “I nderuar deputet i Partisë Demokratike, nesër, ditë e shtunë, datë 30 prill 2022, zhvillon punimet e kuvendit kombëtar të Partisë Demokratike.

Në bazë të Nenit 42 të Statutit të PDsë, ju jeni delegat në Kuvend. Kuvendi hap punimet në orën 10:00. Hyrja te Pallati i Kongreseve nga ana e hotel ‘Rogner’, pjesa anësore. Jeni të lutur të tërhiqni mandatin pranë recepsionit në selinë e Partisë Demokratike. Lutem konfirmimin e prezencës nga ana juaj në nr. 0683273805. Për një Parti Demokratike më të bashkuar, më të fortë, më të hapur!”, theksohet në mesazhi i siguruar nga gazeta “Panorama”, që ka mbërritur në telefonat e deputetëve.

KANDIDATËT PËR KËSHILL KOMBËTAR

Përpos ndryshimeve statutore, 1100 delegatët e kuvendit të PD-së do të zgjedhin edhe të preferuarin e tyre për të qenë në këshillin kombëtar. Komisioni i rithemelimit publikoi dje 420 kandidaturë për 150 vende. Në listën e gjatë spikaste emri i mjekut Ilir Alimehmeti, i cili rezulton prurje e re, por nuk kanë munguar edhe emra të tjerë si artistë të shquar, profesionistë ndryshëm mes tyre edhe gazetarë.

Në listë figuron edhe ish-ministri i Arsimit, Myqerem Tafaj, Myslim Murrizi etj. Komisioni i Rithemelimit ka vlerësuar edhe kandidatët e “Shtëpisë së Lirisë”, të cilët në zgjedhjet e 6 marsit e nxorën lëvizjen e Berishës forcë të dytë. Kështu, Ardian Muka në Durrës, Elton Bano në Lushnje, Premtim Kryemadhi në Dibër janë kandidatë për t’u bërë pjesë e Këshillit të ri Kombëtar.

ILIR ALIMEHMETI

ALDO BUMÇI

ALEKSANDËR BIBERAJ

SALVADOR KAÇAJ

ANDI DOLLAPI

ANDI MUSTAFAJ

ANDRIN TAHIRI

ANISA KADESHA

APOLLON BACE

ARBEN IMAMI

ARBJOLA HALIMI

ARDIAN MUKA

ARDIAN TURKU

ARJANA ÇELA

ARMEND MUSAJ

ASLLAN DOGJANI

AULON KALAJA

AUREL BYLYKBASHI

BLEONA QERRETI

BLERIM TAFANI

BUJAR KAPEXHIU

ÇLIRIM GJATA

DASHO ALIKO

DORIAN TELITI

ELTON BANO

ENNO BOZDO

ERALD KAPRI

FATBARDH KADILLI

FIORALBA DIZDARI

FIQIRI ISMAILI

FLORION MIMA

GLAUK OLLDASHI

ISA SAKJA

IVI KASO

IZMIRA ULQINAKU

JAMARBER MALLTEZI

JULIAN DEDA

KASTRIOT CIPI

KOSTA BARKA

LAURA VORPSI

LEDIANA FRATARI

MYQEREM TAFAJ

MYSLYM MURRIZI

NADA DAULLJA

NADIRE MEÇORAPAJ

NDRIÇIM MEHMETI

PATRIK SADIKAJ

PËLLUMB NAKO

Petrit Doda

RAJMONDA BULKU

RENIS GJOKA

RUDINA HAJDARI

VOLTANA ADEMI