Një çobani, në fshatin Karaiskaki të Etoloakarnanisë, Greqi i kanë rënë në duar 50 mijë euro dhe gjatë pushimeve ka arritur të shpërdorojë shumën prej 14 mijë prej tyre për argëtim dhe festa.
Advertisements
Mediat fqinje raportojnë se në fshatin në fjalë, dy vëllezër kanë një minimarket dhe në një enë plastike, njëri pa e ditur tjetri, kishte vendosur 50 mijë euro që t’i ruante. Midis 22 dhe 24 Dhjetorit, në turnin e njërit prej tyre është shitur ena plastike, me 50.000 euro një bariu.
Ky i fundit sapo ka mbërritur në shtëpinë e tij ka konstatuar se ena kishte 50 mijë euro. Kështu ai bekoi pasurinë e tij dhe filloi të shpenzojë në festa dhe gosti deri pardhej. Gjithsej ka shpërdoruar 14 mijë euro.
Advertisements
Ndërkohë, erdhi koha kur një vëlla zbuloi se ena plastike me kursimet e tij mungonte dhe teksa pyeti vëllain e tij mori ves se ishte shitur.
Menjëherë ai njoftoi policinë dhe fatmirësisht minimarketi kishte kamera sigurie, ndaj u konstatua se ena plastike ishte shitur bariut.
Përfituesit iu kthyen përfundimisht shuma prej 36 mijë euro, ndërsa për pjesën tjetër nuk dihet se si do të zgjidhet mosmarrëveshja.