Stadiumi i Kukësit pritet të jetë gati në datën 15 tetor, të paktën siç deklaron Safet Gjici për kanalin zyrtar të klubit. Presidenti i nderit i verilindorëve ka bërë një inspektim të punimeve në impiantin “Zeqir Ymeri” që është drejt përfundimit të punimeve.
Advertisements
Ai shfaqet i lumtur, ndërsa nuk mungojnë as batutat me punëtorët e stadiumit. Ndër të tjera, kreu i kuksianëve u kërkon atyre të punojnë pa pushim në mënyrë që gjithçka të jetë gati. “Punoni pa pushim, punoni deri në darkë, në orën 10. Kam folur me Dukën dhe më ka thënë që në 15 tetor do të vijë për ta inuguruar”, thotë fillimisht Gjici.
Më tej tregon cilësinë e punimeve: “Punimet kanë zgjatur pak, por e rëndësishme është se janë cilësore. Me kohën s’jam i kënaqur sepse klubi e vuan shumë mosluajtjen në fushën e vet. Ndaj ka pasur rezultate të dobëta në sezonin e shkuar. U bënë 3 sezone, ndërsa ky është i katërti që po luajmë jashtë. Duam, që veç cilësisë, një organizim në klub që gjithësecili të kryejë detyrat që i takojnë”.
Advertisements
Bashkohuni edhe në grup, mund të ndani në çdo kohë denoncimet dhe çdo ankesë me të gjithë ndjekësit e tjerë!